انا بديش أضحي! هذا الي راح تقولوه بعد مشاهدة الفيديو

"عم بحكي عن تضحيات، انا، وانتو عم نعملها كل يوم! ما بعرف اذا فهمتو شو قصدي بس احنا كلياتنا عم منضحي"
02 آب 2020
11:50

بديش أضحي اكيد بتقولو انجنيت! شو مالها هاي شو عم تحكي؟! بس انا بديش اضحي مش عن خروف العيد عم بحكي ولا على راس جمل أو معزة مش التضحيات الّي لربي عم بحكي عن تضحيات، انا، وانتو عم نعملها كل يوم! ما بعرف اذا فهمتو شو قصدي بس احنا كلياتنا عم منضحي منضحي نسمع قصص ولادنا بالمدرسة وكيف أخذ من معلمته نجمة عشان نقعد ورا مكتب من التسعة للخمسة!? منضحى بهداوة البال، وعشو...؟؟ عشان الجار شرا سيارة جديدة وصفها حدّي "طب ما انا كمان بدّي!!!" منضحي بلحظات حلوة نعيش فيها وبدّلناها بصورة واحدة، وصارت تكفي منضحى بكمان عبطة من الأهل لأن الوقت عم بركض وما عم بكفي منضحى بضحكة، بلمسة، برحلة من العمر... وعشان شو عشان حسابي في البنك أعبي… انا بطلت أضحي .. بطلت اضحي بكمان ساعة أقضيها مع ابني عشان المدير بالشغل أرضي بطلت اضحي بأيامي أحرقها في شغل ما بعملو من كل قلبي بطلت اضحي بوقتي اللي بقضيه مع أحدث جهاز اقرأ فيو آخر خبرية... عن فلان عمل ولا فلانة عملت عملية… انا آسفة، يمكن كان لازم اعدل ألفاظي شوية؟؟ لانه كل الي حكيتو مش بالزبط تضحية والتضحية الشخصية والدينية بتضلها أعلى القيم الإنسانية كل الي حكيتو ما كان تضحية انما تضييع وقت… وشو بدي أقول للوقت الضايع... خلص، بكفي!