"احيط نفسي بناس تفوقني بالمعرفة والخبرة" | هاي انا وهاي قصتي

انا اليوم اول امراة عربية حاصلة على درجة دكتوراة في موضوع علم الحاسوب وباحثة بجامعة ستانفورد احدى اهم الجامعات بالعالم
31 آذار 2019
10:47

كان واضحلي من البداية أي انسان بدي أكون .. من صغري سيطر علي حب العلم والمعرفة.. ع كبر بلشت أبني طموجي والي أساسه كان اني اتعلم شي يساهم بتطويرالإنسانية..
دائما كنت احس انني بنتمي لاقليتين .. فمرة كنت الطالبة العربية من مجتمع تقليدي بتتعلم علوم الحاسوب والي الاغلبية بعتبروه موضوع "رجالي". وحدة من مجموعة جدا قليلة من النساء بالتعليم وكمان بالعمل الي اختاروا طريق مشابهة .. وكنت وحدة من النساء صاحبات الطموح والرؤيا والإصرار.. وبمجتمعنا الطموح المش مألوف بكون صعب خاصة اذا كنت امرأة ...
لما صار عمري ١٥ سنة .. بجيل صغير نسبيا وبعد ما كنت واحدة الحاصلين على اعلى علامات بجروب بالبلاد .. بلشت تعليمي للقب اول .. اللقب الي انا شفت حالي فيه وحسيت انه بناسبني.. بجيل ١٩ حصلت على لقب اول وبلش كفاحي لحتى الاقي شغل ... بنت مع حواسيب كيف هيك! كنت دايما اسمعها بس اطنش
بجيل 25 حصلت على لقب الدكتوراة بالموضوع نفسه .. الي انا اخترته ..
انا اليوم اول امراة عربية حاصلة على درجة دكتوراة في موضوع علم الحاسوب.. باحثة بجامعة ستانفورد احدى اهم الجامعات بالعالم .. وتم مؤخرا اختياري كواحدة من ٣٠ شخصية شابة مؤثرة بالبلاد .. وسجلوا عندكم .. انا امرأة عندها عائلة .. ولا مش صعب اوفق بين شغلي الي اخترته وبيتي ..
تعلمت من الحياة علي ان احيط نفسي بناس بتفوقني معرفة وخبرة عشان اتعلم واستفيد وعلى الصعيد الشخصي احيط نفسي بالناس الي بتدعمني وبتوقف جنبي.
انا ميرا شلح عبود وهاي قصتي