"كوني حازمة بكلشي بخص باحلامك" | هاي انا وهاي قصتي

هي اليوم حاملة لقب اول في علم النفس واللغة الانجليزية ولقب ثاني في ادارة مؤسسات تربوية من جامعة امريكية اشتغلت معلمة ومحاضرة
27 آذار 2019
13:00

عم بحكيلكم عن صبية كان كل طموحها انها تتعلم .. تستغربوش .. عم بحكي عن صبية قبل ٤٠ سنة لما التعليم ما كان مفهوم ضمنا ..
كان التعليم للبنت وقتها امر مناقض/بيتعارض للمعتقدات والتقاليد ..
هالصبية كانت مجتهدة وعلاماتها ممتازة بس لو اختارت تتعلم وتسكن بعيد عن بيتها رح تم مقاطعة والدتها المتدينة وابعادها عن الدين .. وهيك اضطر ابوها للصبية انه يسجل للتعليم معها .. لحتى يرافقها بمشوارها التعليمي
نجحت الصبية وكانت من اوائل الحاصلات ع اللقب من مجتمعها .. اشتغلت وصارت مصدر فخر لعائلتها ..
ومع انه السلك التعليمي مكنش كل طموحها لكنها اخلصت له .. وعملت فيه لمدة ٣٥ سنة لحد ما اجا اليوم الي طلعت فيه تقاعد ..
حكايتها لهلصبية ما خلصت هون .. نهاية مشوارها في السلك التعليمي كان بداية الطريق لحلم ثاني
طريق ياما حلمت فيها .. انهت رسالتها في التعليم وبلشت بتحقيق حلمها التالي.. لقب الحقوق .
وبعد عناء وتعب حصلت على رخصة مزاولة المهنة..
هي اليوم حاملة لقب اول في علم النفس واللغة الانجليزية ولقب ثاني في ادارة مؤسسات تربوية من جامعة امريكية .. اشتغلت معلمة ومحاضرة.. واليوم عندها مكتب محاماة بشراكة جوزها ..
هي تعلمت من الحياة انه الصبية هاي ممكن تكون اي وحدة فينا .. بس مهم تكون صارمة وحازمة بكلشي بخص احلامها وما تتنازل عنها ..
هالصبية هي فادية علي فراج .. وهاي قصتي