"علمتني الحياة ما اكون شخص عابر" | هاي انا وهاي قصتي

انا اليوم ام لرامي وامير الي بفخروا فيي، مديرة لوحدة من اقوى مجموعات الشراء في الانترنت، أم وعاملة ٧ ايام بالاسبوع
11 آذار 2019
15:16

من تجربتي بقدر احكي انه النساء فيهن يديروا عائلة وفيهن يبنوا حياة مهنيه مستقله بشكل فردي تماما.
بمرحلة معينة ممكن نشوف الحياة والظروف بشكل ثاني واعي اكثر.. ونفهم انو لازم نطلع بقرار صحيح النا وللي حوالينا .. مش كل القرارات الي بنتوصل الها راح تلاقي تأييد او تشجيع من قبل الي حوالينا، وخصوصا اذا الموضوع هو الانفصال.
أولادي هني محور حياتي، وهني القوه الي بتدفعني للأهداف الي حطيتها لحياتنا، وبحاول دايما اكونلهم الام الداعمة والقوية. وواحد من اهدافي كان دمج بين شغلتين بحبهن كتير، عيلتي اولا وموضوع المبيعات، الي حبيت اعمل فيو تغيير كبير لمفهوم المشتريات عبر الانترنت بالمجتمع العربي ثانيا، ولهيك أسست مصلحتي المستقلة الخاصة.
انا اليوم ام لرامي وامير الي بفخروا فيي .. مديرة لوحدة من اقوى مجموعات الشراء في الانترنت.. ام وعاملة ٧ ايام بالاسبوع.
علمتني الحياة .. اني ما اكون شخص عابر.. انما اكون مثال لاشخاص اخرون هم بحاجة لاي قصة ملهمة لحتى يتشجعوا .. علمتني انه انا اقوى من ايش تخيلت .. وانو اذا بوصل للحد الأدنى بقدر أنهض منها أقوى وأقوى.  انا نورا زعبي وهاي قصتي