"نحن قادرات على كسر كل صورة نمطية" | هاي انا وهاي قصتي

اليوم انا مراسلة ومحررة في قناة i24news، تحدّياتي كثير بنات عربيات وبدويات ومحجّبات بمروا بشي بشبهها
07 آذار 2019
19:11

الحجاب الي على راسي قررت ألبسه صغير نسبيا .. وكأنه ما كان بكفي إنه كانوا يطلعوا على بنظرة مختلفة لما يعرفوا أنى عربيّة بدوية. من هذيك النقطة، قررت أتحدى نظرات الاستغراب والنمطيّة، واركض وراء تحقيق أهدافي. خططت لمستقبلي، عرفت إيش بدي، وبديت أشتغل في المدينة الكبيرة – تل أبيب. الحمدلله توفقت وأخذت وظيفه، بديت بمساعدة الناطقة بلسان وزارة، وزارة الزراعة بالتحديد. لكني ما وقّفت هون، لهيك انتقلت للعمل كصحفيّه في القناة العاشرة، واشتغلت على القضايا الي بتخص مجتمعي. اليوم انا مراسلة ومحررة في قناة i24news، تحدّياتي كثير بنات عربيات وبدويات ومحجّبات بمروا بشي بشبهها. علمتني الحياة اننا دايمًا قادرات نتخطى هذه التحديات، وقادرات على كسر كل صورة نمطية .. هاذي قصّتي، انا إكرام خالد حجيرات، 32 سنة