أبدع في الخردة فأحياها

من اين جاء بفكرة بناء مجسمات من مواد بناء وخردة ؟ ولماذا الخردة بالذات؟ الفنان وسيم بقاعي فنان الخردة يجيب!
06 شباط 2019
18:27

الفنان وسيم بقاعي

نص الفيديو:
بفيق الصبح عندي طاقة بدي افرغ هاي الطاقة
الطاقة هاي بفرغها بالحديد
طبيعتي يعني من وانا ولد مكنتش العب مع الولاد
يعني الولاد تلعب يعني بالسيارات وباللعب
انا كنت اضلني بعيد
كنت دايما اجيب الألعاب هني يلعبوا فيها
وانا اخدها افكفكها
واشوف شو في داخل الألعاب كيف هاي الألعاب بتشتغل
ليش هيك بتشتغل
بالأساس انا بالمدرسة بالابتدائية كنت ارسم
عندي هواية الرسم
بالاول كنت عارف انه في عندي موهبة يعني عندي هواية
يعني هيك صارت معاي من التجربة
مفش يعني مسالتش ولا حدا ولا معلم ولا حدا ولا فنان
اجتني الفكرة من فراشة الي هي قطعة سيارة
كنت اشتغل بكراج فكيتها
شفتها مشابهة لفراشة وتبينت انها تحفة فنية
ومن هاي الفراشة بلشت
بللشت يعني
رحت شريت ماكينة لحام وبلشت اجرب
اتعلم لحام وبلشت اشتغل هاد الشغل

اسم هذا النوع من الفن
فن ما بعد الحداثة واللي هو نحت بالخردة
الصعب فيو انه منين ننجيب الحديد؟ هاي اول شغلة
من كل طن حديد تتلاقي الاشي المناسب لاشي زي هاد الحصان
بده هندسة وبده قياسات
بالاول برسمه على ورقة على خارطة من فوق من تحت
بعمله خريطة من فوق من تحت على الجنب اليمين من على الجنب
قديش عرض الرجل؟
هو تصميم وبناء بس كمان في صعوبة انك تلاقي
زي "الليجو" يعني
تلاقي قطعة الحديد المناسبة وين كمان
بنفس الوقت اللي تيجي محلها
يعني مش بس احنا بدنا حيالله بدنا نركب ونلبّس
بدنا ندوّر يعني اللي تقعد محلها
في موجود عندي هون حوالي الدار في 300 قطعة
اللي هني من حديد
من إعادة تدوير
من خشب
من حجار منحوتة
الخردة لانه بنفس الوقت حفاظ على البيئة
وبنفس الوقت لتزيين بلدي
لانه ممكن هاي الخردة تسبب خطر على الناس
متلا الحديد في منها
بكون ماشي بالشارع بشوفها على جوانب الشوارع
متلا ناس بترميها اللي..
بترميها يعني انا باخدها وبنظفها
وفي منها اللي بدور على كراجات زي قطع السيارات
بدور على كراجات
زي قطع السيارات
بدور على كراجات
في مرات أحيانا بشتريها يعني بدفع حقها مصاري
مش كل الوقت دايما الاشي موجود يعني
في نوعين من الأفكار
في نوع اللي هو قلب مفهوم الإشي
وفي كمان نوع بهذا الفن نفسه اسمه تصميم وبناء
يعني بقدر اساوي ايش بدي
بس ايش؟
بدي اصمم واهندس عشان اقدر ابلّش ابني
قلب المفهوم هذا من راسي
بس التصميم والبناء هو الصراحة مرتي داعمتني معنويا
موجودة معي اللي هي يعني بتعرض علي فكرة مثلا زي الديناصور
ساوي الديناصور
هاي المرأة (؟)
ذراعي اليمين هاي المرأة
الحمدالله عندي مرأة يعني انا عارف شو المرأة اللي عندي
مرتي احسن من 100 زلمة بالنسبة الي
__________________
اااه انت مرت وسيم اللي بعمل هذا اللي بعمل تحف
بقلهن ايوة انا مرت الفنان وسيم
من الأشياء الصغيرة بلشنا نبني
من المجسمات الصغيرة
انه وااو بدنا نعمل
عملنا الحصاد
بدنا نعمل البيدر
ما احلاه!
الحصاد كتير
واجهنا ضغوطات من الناس ومن اللي حولينا
"وسيم هذا الشغل بطعميش خبز"
"وسيم بدك تنزل تشتغل"
"وسيم عندك أولاد"
"أي شو داير تجيب حديد وتكوّم"
انا يعني اسمع من هون واطيّر من هون
انا عندي اسا اشي فش حدا عنده منه
ومش مستكفية بدي كمان
بدي كمان اكثر تماثيل
زيي زي أي ام بالاول اقلله ولك يما اتركك من هالموضوع
بدك تعيش عندك مرأة وعندك أولاد
يقللي بعين الله بدبر الله
صرت أتمنى انه يتعلم ويكمل تعليم
يعني هذا الاشي اللي كان براسي
مكنش ييجي في بالي في يوم من الأيام انه وسيم يتوجه للفن
اللي كان يضايقني انه كل البيئة اللي حوالينا
القرايب طبعا
كللياتهن يضللو زي ماسكين ريقي
انه "يروح يشفله شغلة يعيش من وراها هذا بنفعش"
لحد هذا اليوم بعدني بسمع هاي الجملة
لما بتشوف عندها ولد موهوب بتدعمه قدر المستطاع
انا لو بقدر ادعمه
يعني مستعدة على كل اشي اني ادعمه
فش تقدير
عشان هيك انا يعني محتفظ فيو كتير كتير
يعني الصراحة في شغلات هون يعني بعدها
زي ولادي
زي اللي في كم شغلة اللي عنجد بعدّها
بحافظ عليها مثل كيف بحافظ على أولادي
الحديد بفرّطش فيو
بس العجال في يعني شغلات من إعادة تدوير
اللي هي من عجال سيارات اللي ممكن ندوّرها ونزرع فيها ورد
في اه
ببيع منها لروضات لبساتين لمدارس
في يعني مصدر رزق خفيف بس ممّشي اموري
فكرت اني افتح معرض واشارك الفنانين الموجودين
في عنا رسامين وفنانين
بس شوي صعب يعني... الحديد تقيل
بتعرفي وزن يعني صعب نقلانه
عشان هيك انا مش قادر
تشجيع في موجود تشجيع من عنا بالبلد
من هو الجيران ومن البلدان المجاورة كمان
كابول طمرة وكل البلدات المجاورة في تسجيع
بس فش تقدير
صراحة يعني مش موجود عنا تقدير بالمرة شيلي شيلي
الناس بتعرفش بالفن كتير يعني عنا هون
يعني وين احنا موجودين بالبيئة اللي احنا عايشين فيها
مش موجود الفن كيف لازم
مش ماخد زي كيف بدول أوروبا
برا كيف العالم بقدّر الفن ومتعودين عالفن
هون عنا فش مش موجود
يعني عشان هيك بقدروهوش الناس بفهموش فيو يعني
المؤسسات خاصة للمجالس او للمدارس كمان
يحاولوا...
يدعموا الطلاب من صغرهن على
اول اشي على نظافة البيئة اللي احنا عايشين فيها
وتحولها لتحف
تخيلي قديش بتصير عنا بلادنا حلوة!
يعني هيك كم واحد
لو من كل 100 واحد
شخص واحد!
قديش كانت بتكون بلادنا حلوة!