هذه المرأة لا تستمع لزوجها... حرفياً!

شين .. امرأة صينية من مدينة شيامن حسب مجلة ASIA WIRE اكتشفت انها ما بتقدر تسمع صوت زوجها
20 كانون الثاني 2019
10:34

فكرتي شو ممكن يصير اذا ما عاد فيكي تسمعي صوت جوزك ضايعة
أو صاحبك؟
أو مديرك بالشغل؟
أو صوت أي رجل تاني بالعالم؟؟
هاي المرأة لاقت الحل!
شين .. امرأة صينية من مدينة شيامن
حسب مجلة ASIA WIRE اكتشفت انها ما بتقدر تسمع صوت زوجها

وبعد ما فحصوها بالمستشفى اكتشف الاطباء انو عندها
ما يسمى بفقدان "السمع العكسي المنحدر" .. حالة نادرة جداً
الي بتخليها تسمع ترددات الصوت العالية بس
وما بتقدر تسمع اصوات الرجال اصحاب ترددات الصوت الواطية

عم تسالوا قديش نادرة هاي الحالة؟
حسب المجلة نفسها
واحد فقط من حوالي 13 ألفًا شخص بعانوا منها!
وبناءا تشخيص الأطباء كمان .. السبب لحالة هاي المريضة كان الارهاق والتوتر الزائد
تشين على ما يبدو اشتغلت ساعات مكثفة آخر فترة واعترفت انها تعبت كثير بالشغل .

اطمنوا ..
الأطباء اكدوا انها راح تتعافى من هاي الحالة...

لكن بالوقت الحالي "تشين" ريّحت راسها من صوت الرجال!

ولا شو رايكو؟